Максат:   
шатлык сөйләмдә предметны төсе,зурлыгы буенча сүрәтләргә өйрәтү; төсләр,йорт һәм кыргый хайваннар,яшелчә,җиләк-җимеш,транспорт турында белемнәрен ныгыту; кулларның вак моторикасын үстерү;бәйләнешле сөйләм күнекмәләре булдыру;балаларда хисләре уяту
Җиһазлар: курчак(Марат,Алсу), төсле туплар,йорт һәм кыргый хайваннар,яшелчә һәм җиләк җимеш муляжлары,йорт,урман(агачлар)
Сүзлек өстендә эш:транспорт,кыргый ,йорт хайваннары,җиләк-җимеш,яшелчә.
Балалар белән алдан эшләнгән эш: җиләк-җимеш,яшелчә,йорт,кыргый хайван рәсемнәрен                   карау.
Шәхси эш: пассив балаларны шөгыльгә тарту, әңгәмә барышында активлаштыру.
Шөгыльнең структурасы:
Кереш өлеш – “Без бүген сәяхәт итәбез”
Төп өлеш.
1 тукталыш-“Төсле туплар”
2 тукталыш-“Хайваннар илендә”
3 тукталыш-“Җиләк-җимеш, яшелчәләр”
Йомгаклау.
Шөгыль барышы
Кереш өлеш
-Балалар,мин сезне бүген  сәяхәт итәргә чакырам.Сез әзерме?
-Әйе,әзер.
Төп өлеш
Сәяхәтебезне паровозга утырып башларбыз.

“Зәңгәр вагон”(Голубой вагон) җыры ярдәмендә хәрәкәт итү.
“Төсле туплар” тукталышы
-Безнең 1 тукталышыбыз .Сез монда нәрсәләр күрәсез?(идәндә төрле төстәге зур һәм кечкенә туплар)
-Туплар
-Әйдәгез без аларны кәрзингә җыейк,кәрзингә тупны салыр алдыннан сез Туп нинди? Соравына җавап бирерсез(Рамина туп нинди?-Туп зур,сары, түгәрәк)Тупларны ике кәрзингә җыю(Зур һәм кечкенә)
-Булдырдыгыз,әйтегез әле миңа кайсы туплар күбрәк?(Зур туплар күбрәк)
-Ә кайсы туплар әзрәк?(Кечкенә туплар әзрәк)
-Бу туп алдагы юлны күрсәтер,әйдәгез аның артыннан куяннар кебек сикереп барыйк.
“Хайваннар илендә”тукталышы
-Балалар,Марат,елап утыра.Ник елый икән,сорыйм әле.
-Маратның,йорт һәм кыргый хайваннары буталган,ничек аерырга белми.Әйдәгез аңа ярдәм итик.
Әйтегез әле йорт хайваннары кайда яши?(Кешеләр янында).
-Кыргый хайваннар кайда яши?(Урманда).
-Йорт хайваннарын өй,ә кыргый хайваннарны урман  кырына куейк.
-Маратка да ярдәм иттек,әйдәгез алга таба юлыбызны дәвам итик.Бу эзләр безне кая алып барыр икән,карыйк әле.(эзләргә басып бару)
“Җиләк-җимеш, яшелчәләр” тукталышы.
-Карагыз эле,Алсу курчак күңелсезләнеп  утыра.Нәрсә булды икән,сорыйм әле.(курчак б /н сөйләшү)
-Ул яшелчәләр б/н җиләк-җимешне  аера алмый икән.Ярдәм итик аңа да( ике кәрзингә аерып салу)
-Рәхмәт,Алсуга да ярдәм иттек.
Әйдәгез Алсуга “Яшелчәләр”дигән бармак уенын уйнап күрсәтик.
Бу бармак- кыяр,
Бусы – кәбестә,
Бу бармак-кишер,
Бусы – помидор,
Бусы сарымсак булды. (бармак-ны бөкләп баралар)
Менә кәрзинем тулды. (йодрыкны күрсәтәләр)
Балалар бакчасына кайтыр вакыт җиткән,келәмгә утырыйк,ул безне балалар бакчасына алып кайтыр.
Йомгаклау
-Балалар,сезгә бүгенге сәяхәт ошадымы?
-Без анда ниләр эшләдек?
-Кемнәргә булыштык?